Заява аб Huawei Health і прыватнасці

Апошняе абнаўленне: 1 кастрычніка 2019 года

У дадатак да сэрвісаў кантролю за здароўем і прафесійнага суправаджэння падчас трэніровак, Huawei Health прапануе шэраг функцый для адсочвання даных аб здароўі і фізічнай актыўнасці. Падчас выкарыстання гэтай праграме патрабуецца падключэнне да інтэрнэту і доступ да наступных дазволаў і функцый: «Месцазнаходжанне», Bluetooth, «Камера», «Мікрафон», «Кантакты», «Журналы выклікаў», «Тэлефон» і «Сховішча». Праграме таксама неабходна збіраць і апрацоўваць наступную інфармацыю:

• Інфармацыя аб прыладзе і сетцы, у тым ліку ідэнтыфікатар прылады, налады прылады, асабістыя налады, IP-адрас і тып сеткі.

• Асабістая інфармацыя, у тым ліку HUAWEI ID, ваш рост і вага, што дапаможа гэтай праграме забяспечваць больш дакладныя даныя.

• Даныя трэніровак, у тым ліку месцазнаходжанне прылады, маршрут трэніровак, іх тып і працягласць, форма бегу, колькасць крокаў, адлегласць, калорыі, адоленая вышыня, максімальны ўзровень VO2 і пульс падчас практыкаванняў. Гэтыя даныя будуць збірацца з мэтай захоўвання і паказу.

• Даныя аб здароўі, у тым ліку сон, пульс, узровень нагрузкі і працэнт тлушчу ў арганізме — для захоўвання і паказу.

Вашы даныя аб здароўі і фізічнай актыўнасці змяшчаюць канфідэнцыяльную асабістую інфармацыю. Спосаб выкарыстання гэтых даных (у тым ліку ці запампоўваюцца яны ў Huawei Health Cloud, куды яны запампоўваюцца і хто імі кіруе) вызначаецца на падставе вашага месцазнаходжання, выбранай краіны (або рэгіёну) або інфармацыі для ўваходу ва ўліковы запіс, якую вы паведамілі. Каб атрымаць больш падрабязную інфармацыю, прайдзіце ў меню «Я > Налады > Налады прыватнасці».

Гэта праграма будзе працаваць, толькі калі вы пагодзіцеся са зборам вышэйзгаданай інфармацыі і дасце патрэбныя дазволы. Каб спыніць збор і апрацоўку вышэйзгаданай інфармацыі, а таксама адклікаць прадстаўленыя дазволы, выдаліце праграму або прайдзіце ў меню «Я > Налады > Налады прыватнасці» і выключыце пераключальнікі для той інфармацыі, якую вы не хочаце паведамляць.

Паказаць больш