Huawei Health နှင့် ကိုယ်ရေးအချက်အလက် လုံခြုံရေးအကြောင်း ထုတ်ပြန်ချက်
နောက်ဆုံး အပ်ဒိတ်လုပ်ခဲ့သည့်ရက်စွဲ- အောက်တိုဘာလ 1 ရက်၊ 2019။
Huawei Health သည် ကျန်းမာကြံ့ခိုင်ရေးအတွက် ပညာရှင်ပီသသော နည်းပေးလမ်းညွှန်မှုနှင့် ကျန်းမာရေး ဝန်ဆောင်မှုများအပြင် ကျန်းမာ၊ ကြံ့ခိုင်ရေးကို ခြေရာခံသည့် လုပ်ဆောင်ချက် မျိုးစုံကိုလည်း ပံ့ပိုးပေးလျက် ရှိပါသည်။ ဤအက်ပ်ကို အသုံးပြုစဉ် အင်တာနက် ချိတ်ဆက်ရန် လိုအပ်ပြီး ဖော်ပြပါ ခွင့်ပြုချက်များ သို့မဟုတ် လုပ်ဆောင်ချက်များကို ဝင်ရောက် သုံးစွဲရန်လည်း လိုအပ်ပါသည်- တည်နေရာ၊ ဘလူးတုသ်၊ ကင်မရာ၊ မိုက်ခရိုဖုန်း၊ အဆက်အသွယ်များ၊ ခေါ်ဆိုမှု စာရင်းများ၊ ဖုန်းနှင့် သိုလှောင်မှု။ ၎င်းသည် ဖော်ပြပါ အချက်အလက်များကို စုစည်းရယူ၍ စီမံဆောင်ရွက်ရန်လည်း လိုအပ်ပါသည်-
• သင်၏ စက်အမှတ်သင်္ကေတ၊ စက် ဆက်တင်များ၊ ကိုယ်ရေး ဆက်တင်များ၊ IP လိပ်စာနှင့် ကွန်ရက် အမျိုးအစား အပါအဝင် စက်နှင့် ကွန်ရက် အချက်အလက်များ။
• ဤအက်ပ်အနေဖြင့် ပို၍ မှန်ကန်တိကျသော ဒေတာများ ပေးနိုင်ရန် ကူညီပေးသည့် သင့် HUAWEI ID၊ သင့်အရပ်နှင့် ကိုယ်အလေးချိန် အပါအဝင် ကိုယ်ရေးကိုယ်တာ အချက်အလက်များ။
• စက် တည်နေရာ၊ လေ့ကျင့်ခန်းလုပ်သည့် လမ်းကြောင်း၊ အမျိုးအစား၊ ကြာချိန်၊ ပြေးသည့် ပုံစံ၊ ခြေလှမ်း အရေအတွက်၊ အကွာအဝေး၊ ကယ်လိုရီ၊ ရောက်ရှိခဲ့သည့် ပင်လယ် ရေမျက်နှာပြင်အထက် အမြင့်၊ အများဆုံး VO2 နှင့် လေ့ကျင့်ခန်းလုပ်ချိန် နှလုံးခုန်နှုန်းအပါအဝင် ကျန်းမာကြံ့ခိုင်ရေး ဒေတာများ။ ဤဒေတာများကို သိုလှောင်မှုနှင့် ပြသမှု ရည်ရွယ်ချက်အတွက် စုစည်းရယူပါမည်။
• သိမ်းဆည်း၊ ပြသရန်အတွက် အိပ်စက်မှု၊ နှလုံးခုန်နှုန်း၊ စိတ်ဖိစီးမှုနှင့် ခန္ဓာကိုယ်တွင်း အဆီ ရာခိုင်နှုန်း အပါအဝင် ကျန်းမာရေး ဒေတာများ။
သင်၏ ကျန်းမာကြံ့ခိုင်ရေး ဒေတာများတွင် ထိခိုက်လွယ်သည့် ကိုယ်ရေး အချက်အလက်များ ပါဝင်ပါသည်။ ဤတောများကို Huawei Health Cloud တွင် အပ်လုဒ်လုပ်ခြင်း ရှိ၊ မရှိ၊ ၎င်းကို အပ်လုဒ်လုပ်လိုက်သည့် နေရာ၊ ၎င်းကို စီမံဆောင်ရွက်သူ စသည်တို့ အပါအဝင် ဤဒေတာများကို အသုံးပြုသည့်နည်းလမ်းကို ဆုံးဖြတ်ရာတွင် သင်၏ တည်နေရာ၊ သင် ရွေးချယ်သည့် နိုင်ငံ/ဒေသ သို့မဟုတ် သင် ပေးလိုက်သည့် အကောင့်ထဲ ဝင်ရောက်ရန် အချက်အလက်များကို အခြေခံပြီး ဆုံးဖြတ်ပါသည်။ အသေးစိတ် သိရှိလိုပါက ကျွန်ုပ် > ဆက်တင်များ > ကိုယ်ရေးကိုယ်တာ ဆက်တင်များသို့ သွားပါ။
အထက်ပါ အချက်အလက်များ စုစည်းရယူမှုကို သဘောတူပြီး လိုအပ်သော ခွင့်ပြုချက်များကို ခွင့်ပြုပေးသည့်အခါမှသာ ဤအက်ပ်သည် အလုပ်လုပ်မည် ဖြစ်ပါသည်။ အထက်ပါ အချက်အလက်များကို စုစည်းရယူပြီး စီမံဆောင်ရွက်နေမှုကို ရပ်တန့်ကာ သင် ပေးထားသည့် ခွင့်ပြုချက်များကို ရုပ်သိမ်းလိုပါက အက်ပ်ကို ဖျက်ပါ သို့မဟုတ် ကျွန်ုပ် > ဆက်တင်များ > ကိုယ်ရေးကိုယ်တာ ဆက်တင်များသို့ သွားပြီး သင် မျှဝေလိုခြင်း မရှိသည့် အချက်အလက်များအတွက် ဖွင့်/ပိတ် ခလုတ်များကို ပိတ်ပါ။