प्रिय प्रयोगकर्ता,

Huawei सवास्थ्यमा स्वागत छ।

Huawei स्वास्थ्य सम्झौताको तलको शर्तहरू (यसपछि "सम्झौता" को रूपमा बुझाउँछ) तपाईं र Huawei Technologies Co., Ltd. र यसका सहायकहरू(यसपछि "Huawei" को रूपमा बुझाउँछ) बिचको कानूनीरूपमा बाध्यकारी बनाइएको सम्झौता हो। यो सम्झौताले Huawei स्वास्थ्य, र सम्बद्ध सफ्टवेयर, सेवा तथा वेसाइटहरूको प्रयोगसँग सम्बन्धित तपाईंको कानूनी अधिकार र उत्तरदायित्वहरूलाई अनुबन्ध गर्छ (यसपछि "सेवा" को रूपमा बुझाउँछ)। यो सम्झौतामा, "तपाईं" भन्नाले जो कोही व्यक्तिलाई जनाउँछ जसले यो सेवा प्रयोग र/वा पहुँच गर्छ।

यो सेवा प्रयोग गर्नु पूर्व, तपाईंले यस सम्झौताका सर्तहरू, Huawei गोपनीयता नीति र तपाईं र Huawei बीच गरिएका कुनै पनि अनुरूप सम्झौताहरू (यसपछि "सर्तहरू" को रूपमा बुझाउँछ) मा सहमत हुनुपर्छ। कृपया तपाईंले निम्न सर्तहरू ध्यानपूर्वक पढ्नुभएको सुनिश्चित गर्नुहोस् र तपाईंले यी सर्तहरू पढ्नुभएको र सहमत हुनुहुन्छ भनी संकेत गर्न तल भागमा रहेको जाँच बाकस चयन गर्नुहोस्। यदि तपाईं सबै सर्तहरू वा सर्तका केही अंशमा सहमत हुनुहुन्न भने, तपाईं यस सेवा प्रयोग गर्न सक्षम हुनुहुनेछैन, तपाईंले यो सेवा प्रयोग गर्ने प्रयास पनि गर्नुहुँदैन।

1. डाटा सुरक्षा

Huawei ले सबै Huawei Health प्रयोगकर्ताहरूका व्यक्तिगत गोपनीयताका साथै तपाईंका व्यक्तिगत जानकारी (जस्तै तपाईंको उपनाम, प्रोफाइल तस्वीर, लिङ्ग, उमेर, टेलिफोन नम्बर वा इमेल ठेगाना) र तपाईंको व्यक्तिगत स्वास्थ्य डाटा (जस्तै व्यायाम, शयन र मुटुको धड्कनको डाटा) लाई सम्मान र सुरक्षा गर्छ। Huawei ले सम्बन्धित कानून र नियमहरूले यसलाई जबरजस्ती खुलासा गर्न आवश्यक ठहर नगर्दासम्म तपाईंको पूर्व मञ्जुरी बिना कुनै पनि तेस्रो पक्षलाई ती जानकारी खुलासा, स्थानान्तर वा उपलब्ध गराउनेछैन। Huawei ले अन्य प्रयोजनहरूका लागि क्लाउडमा भण्डार गरिएका व्यायाम, वजन, शयन र/वा अन्य डाटाको प्रयोग गर्नेछैन, वा यससँग प्रयोग अभिप्राय हुँदैन। डाटा सुरक्षा सुनिश्चित गर्न जानकारीलाई क्लाउडमा मात्र भण्डार गरिन्छ।

2. तेस्रो-पक्ष सेवाहरू

तपाईंको वाहक वा अन्य तेस्रो पक्षहरूले तेस्रो-पक्ष एप्लिकेसनहरू र सेवा सामग्री जस्ता Huawei Health प्ल्याटफर्ममा भएका अनुरूपी उत्पादन तथा सेवाहरू पनि उपलब्ध गराउन सक्नेछन्। ती तेस्रो-पक्ष उत्पादन तथा सेवाहरू प्रयोग गरि, तपाईं तेस्रो पक्षद्वारा अनुबन्ध गरिएका सेवा सर्तहरूमा सहमत हुनुहुन्छ भनी स्वीकार गर्नुहुन्छ। हामी तपाईंलाई तेस्रो-पक्ष प्रयोगकर्ता सम्झौताहरूका सामग्री र गोपनीयता नीतिहरूलाई ध्यानपूर्वक पढ्न विशेष सुझाव दिन्छौं। Huawei तेस्रो-पक्ष उत्पादन तथा सेवाहरू सामग्री नियन्त्रण वा सेन्सर गर्न अधिकारप्राप्त वा जिम्मेवार छैन, त्यसैले ती उत्पादन तथा सेवाहरूको प्रयोगका कारण तपाईंका अधिकार उल्लंघन भएको खण्डमा Huawei जिम्मेवार हुनेछैन।

3. डाटा अधिकार र संकलन

तपाईंलाई थप स्थिर उत्पादन र अनुकूलित सेवा उपलब्ध गराउनका लागि, Huawei र Huawei Health मा Huawei सँग सहकार्य गर्ने तेस्रो-पक्ष सेवा प्रदायकहरू ले तपाईंको उत्पादनसँग सम्बन्धित त्रुटि जानकारी र/वा डाटा संकलन गर्नेछ। Huawei Health एप्लिकेसन लन्च गर्दा पपअप सन्देशमा "सहमत" चयन गरेर वा Huawei Health प्रयोग गरेर, तपाईंले Huawei ले निम्न जानकारी संकलन तथा विश्लेषण गर्न सहमत हुनुहुन्छ तथा अधिकार प्रदान गर्नुहुन्छ।

(1) यन्त्र जानकारी, जस्तै फोनको सञ्चालन प्रणाली, फोन भाषा, यन्त्र मोडेल, फोन इन्टरनेट मोड र स्थान जानकारी;

(2) एप्लिकेसन जानकारी, जस्तै एप्लिकेसन संस्करण, एप्लिकेसन डाउनलोड विधि, र एप्लिकेसन खोलिएको वा बन्द गरिएको समय;

(3) सेवा डाटा, जस्तै एप्लिकेसन त्रुटि जानकारी र सेवा सक्रियता जानकारी;

(4) व्यक्तिगत स्वास्थ्य डाटा, व्यायाम, शयन, वजन र मुटुको धड्कनको डाटा सहित तर यतिमा मात्र सीमित भने होइन। यदि तपाईं तेस्रो पक्षहरूले तपाईंको जानकारीलाई प्रक्रियामा लैजानेमा सहमत हुनुहुन्छ भने कृपया यी सर्तहरूको दफा 2 द्वारा बाँधिनुहोस्।

तपाईंको डाटालाई हराउन नदिन, Huawei Health ले समक्रमणलाई स्वत: क्लाउड सुविधामा सक्षम गर्नेछ, जसले तपाईंको व्यायाम, शयन र मुटुको धड्कनको डाटालाई नियमित अन्तरालमा क्लाउडमा अपलोड गर्नेछ। क्लाउडमा समक्रमण गरिएका डाटालाई ब्याचहरूमा मेट्न सकिंदैन र तिनीहरू स्थायी रूपमा भण्डार हुनेछन्। यदि तपाईं आफ्नो डाटा क्लाउडमा स्वत: अपलोड होस् भन्ने चाहनुहुन्न भने, तपाईंले Huawei Health मा "सेटिङहरू" चयन गरेर र त्यसपछि "स्वत: समक्रमण" अफ गरेर स्वत: समक्रमण सुविधालाई अक्षम गर्न सक्नुहुन्छ।

तपाईंको Huawei उत्पादनहरूको प्रयोग अनुभवलाई सुधार्न, Huawei Health ले व्यायाम र स्वास्थ्याम डाटा स्वत: साझा गर्नेछ जुन तपाईंले पूर्वनिर्धारितद्वारा Huawei लाई Huawei को अन्य उत्पादनहरूमा संकलन गर्ने अधिकार दिनुभएको छ, जस्तै Smartcare। त्यसै गरि, स्वास्थ्य र व्यायामसँग सम्बन्धित अन्य Huawei उत्पादनहरू (जस्तै Huawei Wear) ले पूर्वनिर्धारितद्वारा व्यायाम र स्वास्थ्य डाटा साझा गर्नेछ जुन तपाईंले Huawei लाई Huawei Health मा संकलन गर्ने अधिकार दिनुभएको छ। तपाईंले Huawei Health मा "सेटिङहरू" चयन गरेर त्यसपछि "डाटा स्रोतहरू" मा अक्षम विकल्प चयन गरेर कुनै पनि समय Huawei Health र अन्य Huawei उत्पादनहरू बीचको स्वत: डाटा साझालाई अक्षम गर्न सक्नुहुन्छ।

Huawei Health प्रयोग गर्दा तपाईंलाई हुने अनावश्यक अवरोधहरू रोक्न, कृपया Huawei Health लाई ब्लुटूथ स्वत: सक्षम र/वा अक्षम गर्न अधिकार दिनुहोस्।

तपाईंले Huawei लाई संकलन गर्नका लागि अधिकार दिनुभएको व्यक्तिगत जानकारी Huawei गोपनीयता नीति अनुसार व्यवस्थित गरिनेछ। कृपया यस गोपनीयता नीतिका सामग्रीहरूलाई ध्यानपूर्वक पढ्नुहोस्। तपाईंले Huawei Health लन्च गर्दा पपअप सन्देशमा देखिने "Huawei गोपनीयता नीति" चयन गरि, वा http://consumer.huawei.com/privacy-policy

4. मा गएर गोपनीयता नीति हेर्न सक्नुहुन्छ। जोखिम तथा उत्तरदायित्वहरू

(1) तपाईंले Huawei Health एप्लिकेसन प्रयोगसँग सम्बन्धित जोखिमहरू अपनाउनुपर्छ। Huawei ले यो सेवा र यसका परिणामहरूले तपाईंका आवश्यकताहरू पूरा गर्नेछन् वा उत्पादनको सेवा अवरूद्ध हुनेछैन जस्ता कुनै पनि प्रकारको वारेन्टीहरू वा प्रस्तुतीहरू गर्दैन, र यस सेवा तथा यसका डाटाको सुरक्षा, सूक्ष्मता, समयसीमा वा यसको परिणाम स्वरूपको वैधताको ग्यारेण्टी दिंदैन। Huawei ले Huawei Health प्रयोग गर्न नसकेको कारण तपाईंलाई आइपर्ने कुनै पनि परिस्थितिहरू, सञ्जाल, सञ्चार लाइन, तेस्रो-पक्ष वेबसाइटहरू र सेवा प्रदायकहरूमा भएका खराबी, सहित तर यतिमा मात्र भने सीमित होइन, को कुनै कानूनी जिम्मेवारी लिनेछैन। स्पष्ट रूपमा व्यक्त नगर्दासम्म, Huawei ले तपाईंलाई प्रदान गरेका सेवाहरू नि:शुल्क छन्। यद्यपि, केही सेवाहरूका लागि फोन कलहरू गर्न वा प्राप्त गर्न, मोबाइल डाटा पहुँच गर्न वा SMS सन्देशहरू पठाउन आवश्यक हुनसक्छ। यी सेवाहरूका लागि तपाईंलाई तेस्रो पक्षहरूले शुल्क लगाउन सक्छन्। तपाईंले आफैं उपलब्ध नगराउँदासम्म Huawei ले तपाईंका व्यक्तिगत पहिचानको खुलासा गर्ने कुनै पनि जानकारी संकलन गर्नेछैन।

(2) तपाईंको व्यवहार र/वा निजी जानकारी हो भनी तपाईंले विश्वास गर्ने तपाईंको गोपनीयता वा जानकारीसँग सम्बन्ध राख्न सक्ने कुनै पनि जानकारीको खुलासा वा चुहावट, वा प्राप्ति, प्रयोग, वा तेस्रो पक्षद्वारा स्थानान्तर गरिएको परिणाम स्वरूपका अनियन्त्रित परिस्थितिहरूमा, Huawei जिम्मेवार हुनेछैन र कुनै पनि प्रतिकूल परिणामहरूका लागि तपाईं उत्तरदायी हुनुहुनेछ।

(3) Huawei Health एप्लिकेसनमा देखिने सबै डाटा र परिणामहरू सन्दर्भ प्रयोजनहरूका लागि मात्र हुन्। हामी यस जानकारीलाई मेडिकल उपचार वा तपाईंको स्वास्थ्यको स्थितिको प्रमाण स्वरूप प्रयोग गर्न सुझाव दिंदैनौं। ती प्रयोजनहरूका लागि Huawei Health का डाटा वा परिणामहरू प्रयोगका कारण हुने कनै पनि जोखिम वा दुर्घटनाहरूका लागि Huawei जिम्मेवार हुनेछैन।

(4) तपाईंको क्लाउड वा तपाईंको यन्त्रमा डाटा समक्रमण भएको कारण लाग्ने कुनै पनि मोबाइल डाटा शुल्कका लागि तपाईं नै उत्तरदायी हुनुहुन्छ।

(5) उचित कानूनले अनुमति दिएको अधिकतम हदसम्म, ग्राहकहरूलाई माथि उल्लेखित नोक्सान वा हानीहरूको सम्भावना बारे स्पष्ट रूपमा बताइएको भए पनि, ती जिम्मेवारीहरू करार, क्षति (बेवास्ता वा कडा जिम्मेवारीको सम्भावना सहित) वा अन्य दावीहरू गरिए पनि, र ती नोक्सानहरू बारे पूर्वानुमान गरिएको वा नगरिएको भए पनि, कुनै विशेष, घटनात्मक, अप्रत्यक्ष, वा परिणाम स्वरूप हुने हानीहरू, वा नाफा, व्यवसाय, कर डाटा, सदिच्छा बचत वा प्रत्याशित बचतको नोक्सानका लागि कुनै पनि रूपमा Huawei जिम्मेवार हुनेछैन।

(6) यस सम्झौतामा व्याख्या गरिएको सेवा प्रयोगका कारण हुने Huawei को अधिकतम जिम्मेवारी (उचित कानूनले त्यस सीमालाई निषेध गरेको हदसम्म व्यक्तिगत चोटको जिम्मेवारीमा यो सीमा लागू हुनेछैन) यस सेवा खरिदका लागि ग्राहकहरूले भुक्तान गरेको रकममा सीमित हुनेछ।

5. प्रयोग प्रतिबन्धहरू

Huawei र यसका इजाजतपत्रदातासँग यस सफ्टवेयरसँग सम्बन्धित सबै बौद्धिक सम्पत्ति अधिकारको स्वामित्व हुन्छ। तपाईंले यस सम्झौतामा उपलब्ध गराइए अनुसार नै यस सफ्टवेयरको प्रयोग गर्नुहुनेछ जो कि यस सम्झौताका अतिरिक्त सर्तहरू अनुरूप तपाईंले सबै सम्बन्धित कानून, नियम तथा नीतिहरूको सम्मान गर्नुहुन्छ। तपाईं निम्न कुनै पनि व्यवहारहरूका लागि अधिकारप्राप्त हुनुहुन्न, वा यसमा संलग्न हुनुहुँदैन, तर यतिमा मात्र सीमित भने होइन:

(1) कुनै पनि प्रतिलिपि अधिकार सूचनाहरू वा कथनहरू वा कुनै अन्य जानकारी र/वा यस सफ्टवेयरमा समावेश सामग्री मेटाउन।

(2) यस सफ्टवेयरको रिभर्स इन्जिनियरिङ, अलग गर्ने वा डिकम्पाइलमा संलग्न हुन।

(3) यस सम्झौतामा अनुबन्ध सर्तहरू बाहिर यस सफ्टवेयरको सबै वा केही अंश प्रयोग, प्रतिलिपि, परिमार्जन, लिज वा स्थानान्तर गर्न।

(4) तेस्रो पक्षलाई सफ्टवेयर उपलब्ध गराउन, यस सफ्टवेयर प्रयोगका लागि अन्यलाई इजाजत दिन वा Huawei ले निषेध गरेका प्रयोजन (जस्तै व्यापारिक प्रयोजनहरू) का लागि यस सफ्टवेयर प्रयोग गर्न।

(5) यस सफ्टवेयरमा समावेश छविहरू, टेक्स्ट र अन्य सम्बन्धित जानकारी, सहित तर यतिमा मात्र सीमित भने होइन, को निम्न कार्यहरू गर्न: प्रयोग, प्रतिलिपि, परिमार्जन, हाइपरलिङ्कहरू थप्न, पुन: प्रयोग, कम्पाइल, प्रकाशन, मिरर साइटहरू निर्माण वा सम्बन्धित व्युत्पन्न उत्पादन, कार्य र/वा सेवाहरू सिर्जना गर्न यस सफ्टवेयरको प्रयोग।

(6) राष्ट्रिय कानून, नियम तथा नीतिहरू उल्लंघन गर्ने सामग्री भण्डार, प्रकाशन वा प्रचार गर्न यस सफ्टवेयरको प्रयोग गर्न।

(7) तेस्रो पक्षहरूको बौद्धिक सम्पत्ति अधिकार, व्यापार रहस्य वा अन्य कुनै कानूनी अधिकारको उल्लंघन गर्ने सामग्री भण्डार, प्रकाशन वा प्रचार गर्न यस सफ्टवेयरको प्रयोग गर्न।

(8) साइबर सुरक्षालाई जोखिममा पार्ने व्यवहारमा संलग्न हुन।

6. संस्करण अद्यावधिकहरू

Huawei ले भविष्यमा यो सफ्टवेरको अद्यावधिक गरिएको संस्करणहरू जारी गर्ने वा नगर्ने निर्णय गर्ने अधिकार आफूसँग सुरक्षित राखेको छ। यदि Huawei ले यो सफ्टवेरको अद्यावधिक गरिएको संस्करण जारी गरेमा, प्रतिस्थापन "सफ्टवेर सेवा शर्त" जारी गरेको अवस्थामा बाहेक यो सम्झौता अद्यावधिक गरिएको संस्करणमा पनि लागु रहनेछ। कुनैपनि अद्यावधिकहरू स्थापना गरेर, तपाईं सम्बन्धित सफ्टवेर सेवा शर्तहरू मान्न सहमत हुन स्वीकार गर्नुहुन्छ। यदि तपाईं सफ्टवेर सेवा शर्तहरूको सबै विषयमा सहमत हुनुहुन्न भने, अद्यावधिक स्थापना नगर्नुहोस्।

7. समाप्ति

यो सम्झौताको कुनैपनि शर्तको पूर्ण वा आंशिक भागको अवैधताले अन्य कुनैपनि शर्तहरूको वैधतामा असर गर्ने छैन। Huawei र/वा यसका इजाजतकर्ताहरूले यो सम्झौता कुनैपनि बेला स्थगन वा समाप्त गर्ने अधिकार आफूसँग सुरक्षित राखेको छ। यो सम्झौताको समाप्तिमा तपाईंले तत्काल यो सफ्टवेर प्रयोग गर्न छोड्नु पर्नेछ तथा तपाईंले प्रतिलिपि गरेको वा स्थापना गरेको सम्बन्धित सफ्टवेर र डेटा सबै मेटाउनु पर्नेछ।

8. कानुनको रोजाइ

यो सम्झौता जर्मनीको कानुनको अधीनमा हुनेछ, तपाईंको अभ्यस्त आवास राष्ट्रमा कानूनी विशेषताद्वारा सम्झौता गरी अवमूल्यन गर्न नसकिने प्रावधानहरूद्वारा तपाईंलाई प्रदान गरिएका सुरक्षाका लागि बचत गर्नुहोस् (विशेष गरी, अनिवार्य उपभोक्ता सुरक्षा अधिकार)।

Huawei टेक्नोलोजिज कम्पनी, लिमिटेड। सर्वाधिकार सुरक्षित। Huawei ले यसै भित्र समावेश सामाग्रीलाई कानूनले अनुमति दिएको हदसम्म व्याख्या गर्ने अधिकार आफूसँग सुरक्षित राखेको छ।