Erabiltzaile hori:

 

Ongi etorri Huawei Health zerbitzura.

 

Huawei-ren osasun-hitzarmen honetako baldintzak (aurrerantzean, «Hitzarmena») zu eta Huawei Technologies Co., Ltd. enpresaren eta haren eskumendeko enpresen (aurrerantzean, «Huawei») arteko hitzarmen juridikoki loteslea dira. Hitzarmen honek Huawei Health zerbitzua eta dagozkion softwarea, zerbitzuak eta webguneak legez erabiltzeko eskubideak eta erantzukizunak zehazten ditu (guztiak batera, «Zerbitzua»). Hitzarmen honetan, «zu» deitzen zaio Zerbitzua atzitzen edo erabiltzen duen edozein banakori.

 

Zerbitzu hau erabili aurretik, Hitzarmen honetako baldintzak, Huawei-ren pribatutasun-gidalerroak eta Huawei-rekin egindako beste edozein hitzarmen onartu behar dituzu (aurrerantzean, «Baldintzak»). Irakurri arretaz baldintza hauek eta markatu behealdeko kontrol-laukia irakurri dituzula eta onartu egiten dituzula adierazteko. Baldintzekin edo baldintzetako batzuekin ados ez bazaude, ezin izango duzu erabili Zerbitzua, eta ez zenuke erabiltzen saiatu behar ere.

 

1. Datuen babesa

 

Huawei Health zerbitzuko erabiltzaile guztien pribatutasuna errespetatzen eta babesten du Huawei-k, baita haien informazio pertsonala (hala nola ezizena, profileko irudia, generoa, adina, telefono-zenbakia edo helbide elektronikoa) eta osasun pertsonalari buruzko datuak ere (hala nola ariketei, loaldiei, pisuari eta bihotz-maiztasunari buruzko datuak). Aurretiaz baimenik eman ezean, Huawei-k ez dio ezagutaraziko, besterenduko edo emango informazio hori inongo hirugarreni, salbu eta dagozkion lege eta arautzeek hartara behartzen badute. Huawei-k ez du erabiliko ariketei, pisuari, loaldiei eta bestelako gaiei buruz hodeian biltegiratutako daturik beste xede batzuetarako, eta ez du hala egiteko asmorik. Datuen segurtasuna ziurtatzeko soilik biltegiratzen da informazioa hodeian.

 

2. Hirugarrenen zerbitzuak

 

Zure operadoreak edo hirugarrenek ere jar ditzakete eskura produktu eta zerbitzuak Huawei Health plataforman, tartean hirugarrenen aplikazioak eta zerbitzu-edukia. Hirugarrenen produktu eta zerbitzu horiek erabiliz, hirugarrenek zehaztutako zerbitzu-baldintzak onartzen dituzula adierazten duzu. Hirugarrenen erabiltzaile-hitzarmenak eta pribatutasun-gidalerroak arretaz irakurtzea gomendatzen dizugu. Huawei-ri ez dagokio hirugarrenen produktu eta zerbitzuak kontrolatu eta zentsuratzea, eta ez du hori egiteko betebeharra. Hortaz, produktu eta zerbitzu horiek erabiltzearen ondorioz zure eskubideak urratzen badira, Huawei-k ez du hartuko erantzukizunik bere gain.

 

3. Datuak biltzeko baimenak

 

Produktu egonkorra eta zerbitzu pertsonalizatua eman ahal izateko, erroreei buruzko informazioa eta produktuarekin erlazionatutako datuak bilduko dituzte Huawei-k eta Huawei Health zerbitzuan Huawei-rekin elkarlanean diharduten hirugarren zerbitzu-hornitzaileek. Huawei Health aplikazioa abiaraztean agertuko den leiho gainerakorrean «Onartu» hautatuta nahiz Huawei Health zerbitzua erabilita, baimena ematen diozu Huawei-ri datu hauek biltzeko eta analizatzeko:

 

(1) Gailuari buruzko informazioa, hala nola telefonoaren sistema eragilea, telefonoaren hizkuntza, gailuaren modeloa, telefonoa Internetera konektatzeko modua eta kokapenari buruzko informazioa.

 

(2) Aplikazioari buruzko informazioa, hala nola aplikazioaren bertsioa, aplikazioa deskargatzeko metodoa eta aplikazioa irekitzeko eta ixteko orduak.

 

(3) Zerbitzuari buruzko datuak, hala nola aplikazioaren erroreei buruzko informazioa eta zerbitzuaren aktibazioari buruzko informazioa.

 

(4) Osasun pertsonalari buruzko datuak, hala nola ariketei, loaldiei, pisuari eta bihotz-maiztasunari buruzko datuak. Hirugarrenek zure informazioa prozesatzea onartzen baduzu, gorde Baldintza hauetako 2. klausula.

 

Daturik ez galtzeko, Huawei Health zerbitzuak automatikoki gaituko du hodeiarekin sinkronizatzeko eginbidea; horrela, aldian-aldian kargatuko dira hodeira ariketei, loaldiei, pisuari eta bihotz-maiztasunari buruzko datuak. Hodeiarekin sinkronizatutako datuak ezin dira ezabatu multzoka, eta betiko biltegiratuko dira. Zure datuak hodeira automatikoki kargatzerik nahi ez baduzu, automatikoki sinkronizatzeko eginbidea desgai dezakezu. Horretarako, hautatu «Ezarpenak» Huawei Health zerbitzuan eta, jarraian, desaktibatu «Sinkronizazio automatikoa».

 

Huawei produktuei etekinik handiena ateratzeko, modu lehenetsian, Huawei Health zerbitzuak automatikoki partekatuko ditu zuk baimena eman ondoren bil ditzakeen ariketei eta osasunari buruzko datuak beste Huawei produktu batzuekin, tartean Smartcare. Halaber, modu lehenetsian, osasunarekin eta ariketekin erlazionatutako beste Huawei produktu batzuek (hala nola Huawei Wear produktuak) automatikoki partekatuko dituzte zuk baimena eman ondoren bil ditzaketen ariketei eta osasunari buruzko datuak Huawei Health zerbitzuarekin. Huawei Health eta beste Huawei produktuen arteko partekatze automatikoa desgaitzeko, hautatu «Ezarpenak» Huawei Health zerbitzuan eta, jarraian, desgaitu aukera hori «Datu-iturburuak» atalean.

 

Huawei Health erabiltzean arazorik izan ez dezazun, eman baimena Huawei Health zerbitzuari Bluetooth konexioa automatikoki gaitu eta desgaitzeko.

 

Zuk baimena eman ondoren Huawei-k bil dezakeen informazio pertsonala Huawei-ren pribatutasun-gidalerroei jarraikiz erabiliko da. Irakurri arretaz pribatutasun-gidalerro hauen edukia. Pribatutasun-gidalerroak ikusteko, hautatu «Huawei-ren pribatutasun-gidalerroak» Huawei Health aplikazioa abiaraztean agertuko den leiho gainerakorrean, edo joan http://consumer.huawei.com/privacy-policy webgunera.

 

4. Arriskuak eta erantzukizunak

 

(1) Huawei Health aplikazioa erabiltzearen ondoriozko arriskuak zure eratzukizuna dira. Huawei-k ez du bermatzen, besteak beste, Zerbitzu honekin eta haren emaitzekin pozik geratuko zarenik eta produktuaren zerbitzuak etengo ez direnik, ezta Zerbitzuaren eta haren datuen segurtasuna, zehaztasuna, puntualtasuna nahiz legezkotasuna ere. Huawei-k ez du hartuko bere gain legezko erantzukizunik Huawei Health erabiltzeko ezintasuna eragiten dizuten egoeren ondorioz, tartean sareen, komunikazio-lineen, hirugarrenen webguneen eta zerbitzu-hornitzaileen erroreak. Berariaz hala adierazi ezean, Huawei-k eskainitako zerbitzuak doakoak dira. Halere, agian zerbitzu batzuk erabiltzeko deiak egin edo jaso beharko dituzu, datu-konexioa erabili beharko duzu, edo SMS mezuak bidali beharko dituzu. Kasu horretan, agian zerbait kobratuko dizute hirugarrenen zerbitzuek. Huawei-k ez du bilduko zure nortasuna ezagutaraziko duen informaziorik, salbu eta informazio hori zuk zeuk ematen baduzu.

 

(2) Zure jokabidearen edo kontrola ezin daitekeen egoera baten ondorioz, zure pribatutasunarekin erlazionatutako informazioa edo pribatutzat duzun informazioa ezagutarazten edo filtratzen bada, edo hirugarrenek eskuratzen, erabiltzen edo besterentzen badute, Huawei-k ez du hartuko bere gain erantzukizunik, eta zeu izango zara edonolako ondorio kaltegarriren erantzulea.

 

(3) Huawei Health aplikazioan agertzen diren datu eta emaitza guztiak erreferentziazkoak dira. Ez dizugu gomendatzen informazio hori medikuntza-tratamenduetarako oinarri gisa erabiltzea, ezta zure osasun-egoerari buruzko froga gisa ere. Huawei Health zerbitzuko datuak xede horietarako erabiltzen badituzu, Huawei-k ez du hartuko bere gain horren ondorioz izan ditzakezun arriskuen edo istripuen erantzukizunik.

 

(4) Datuak hodeiarekin nahiz gailuarekin sinkronizatzeko datu-konexioa erabiltzearen ondoriozko karguen erantzulea zara.

 

(5) Dagokion legediak uzten duen neurrian, Huawei-k ez du inoiz hartuko bere gain ustekabeko, zeharkako edo ondoriozko kalteen erantzukizunik, ezta etekinen, negozioen, diru-sarreren, merkataritza-funtsen edo aurrezkien galeren erantzukizunik ere, kontuan hartu gabe erantzukizun horien oinarria: kontratua, laidoa (zabarkeria edo erantzukizun zibil objektiboa barne) edo bestelako erreklamazio bat. Halaber, ez da hartuko kontuan galera horiek aurrez ikus zitezkeen ala ez, bezeroak lehen aipatutako galera edo kalteak berariaz jakinarazi bazaizkie ere.

 

(6) Hitzarmen honetan deskribatutako zerbitzuaren erabileraren ondorioz Huawei-k izan dezakeen gehienezko erantzukizuna bezeroek Zerbitzu hau erostean ordaindutako kopurura dago murriztuta (murriztapen hori ez zaio aplikatuko lesio pertsonalen ondoriozko erantzukizunari, dagokion legediak halako murriztapenak debekatzen dituen neurrian).

 

5. Erabileraren murriztapenak

 

Huawei eta bere lizentzia-emaileak dira Software honekin erlazionatutako eskubide intelektualen jabeak. Hitzarmen honi jarraikiz erabil dezakezu Softwarea, baldin eta dagozkion legeak, arautzeak eta gidalerroak urratzen ez badituzu, Hitzarmen honetako baldintzez gain. Besteak beste, ez duzu baimenik jokabide hauek izateko:

 

(1) Copyrighdun oharrak edo adierazpenak edota Softwareak duen beste edozein informazio edo eduki ezabatzea.

 

(2) Alderantzizko ingeniaritza egitea, Softwarea desmuntatuz edo deskonpilatuz.

 

(3) Softwarea edo haren zati bat Hitzarmen honetan zehaztutako baldintzetatik at erabiltzea, kopiatzea, eraldatzea, alokatzea edo besterentzea.

 

(4) Softwarea hirugarrenentzat erabilgarri egitea, beste erabiltzaile batzuei Softwarea erabiltzeko baimena emanez edo Softwarea Huawei-k debekatutako xedeetarako erabiliz (hala nola merkataritza-xedeak).

 

(5) Besteak beste, ekintza hauek gauzatzea Software honetako irudiekin, testuarekin eta bestelako datu garrantzitsu batzuekin: erabiltzea, kopiatzea, eraldatzea, hiperestekak gehitzea, berrerabiltzea, konpilatzea, argitaratzea, ispilu-guneak sortzea, eta Softwarea produktu, lan edo zerbitzuko eratorriak sortzeko erabiltzea.

 

(6) Softwarea Estatuko legeak, arautzeak eta gidalerroak urratzen dituen edukia gordetzeko, argitaratzeko edo barreiatzeko erabiltzea.

 

(7) Softwarea jabetza intelektualaren eskubideak, merkataritza-sekretuak edo hirugarrenen bestelako lege-eskubideak urratzen dituen edukia gordetzeko, argitaratzeko edo barreiatzeko erabiltzea.

 

(8) Sareko segurtasuna arriskuan jartzen duen portaera izatea.

 

6. Bertsioen eguneratzeak

 

Huawei-k eskubidea izango du etorkizunean Softwarearen bertsio eguneratuak argitaratzea erabakitzeko. Huawei-k Softwarearen bertsio eguneratu bat argitaratzea erabakitzen badu, Hitzarmen hau aplikatzen jarraituko zaie bertsio eguneratuei, salbu eta ordezko «Softwarearen zerbitzu-baldintzak» ere argitaratzen badira. Eguneratzeak instalatzen badituzu, dagozkion Softwarearen zerbitzu-baldintzak gorde behar dituzula onartzen duzu. Softwarearen zerbitzu-baldintzekin edo haien zati batekin ados ez bazaude, ez instalatu eguneratzea.

 

7. Kontratua desegitea

 

Hitzarmen honetako edozein baldintza, osorik nahiz neurri batean, baliogabea bada, ez du izango eraginik beste baldintzen baliozkotasunean. Huawei-k eta bere lizentzia-emaileek Hitzarmena noiznahi eteteko edo amaitzeko eskubidea izango dute. Hitzarmena desegin ondoren, berehala utzi behar diozu Softwarea erabiltzeari, eta kopiatutako edo instalatutako erlazionatutako software eta datu guztiak ezabatu behar dituzu.

 

8. Jurisdikzioaren hautaketa

 

Hitzarmen hau Alemaniako legediari dago atxikita, ohiko bizitoki duzun herrialdeko legediaren arabera indargabetu ezin daitezkeen hitzarmeneko xedapenek ematen dizuten babesa izan ezik (bereziki, bezeroa babesteko derrigorrezko eskubideak).

 

Huawei Technologies Co., Ltd. Eskubide guztiak erreserbatuta. Huawei-k eskubidea izango du Hitzarmen honen edukia legeek onartzen duten neurrian interpretatzeko.