ຮຽນທ່ານຜູ້ໃຊ້ທີ່ນັບຖື,
ຍິນດີຕ້ອນຮັບສູ່ Huawei Health.
ຄຳສັບຕໍ່ໄປນີ້ທີ່ໃຊ້ຢູ່ໃນຂໍ້ຕົກລົງ Huawei Health (ຕໍ່ໄປນີ້ໝາຍເຖິງ"ຂໍ້ຕົກລົງ") ປະກອບດ້ວຍຂໍ້ຕົກລົງຜູກມັດທາງດ້ານກົດໝາຍລະຫວ່າງທ່ານ ແລະ Huawei Technologies Co., Ltd. ແລະ ສາຂາຂອງບໍລິສັດ (ຕໍ່ໄປນີ້ແມ່ນໝາຍເຖິງ "Huawei"). ຂໍ້ຕົກລົງນີ້ລະບຸສິດທາງກົດໝາຍ ແລະ ຄວາມຮັບຜິດຊອບຂອງທ່ານພົວພັນກັບການໃຊ້ Huawei Health, ແລະ ຊອບແວ, ການບໍລິການ ແລະ ເວັບໄຊທ໌ທີ່ກ່ຽວຂ້ອງ (ຕໍ່ໄປນີ້ໝາຍເຖິງ"ການບໍລິການ"). ຢູ່ໃນຂໍ້ຕົກລົງນີ້, "ທ່ານ" ໝາຍເຖິງບຸກຄົນໃດໜຶ່ງທີ່ໃຊ້ ແລະ/ຫຼື ເຂົ້າຫາການບໍລິການນີ້.
ກ່ອນໃຊ້ການບໍລິການນີ້, ທ່ານຕ້ອງເຫັນດີກັບຂໍ້ກຳນົດຢູ່ໃນຂໍ້ຕົກລົງນີ້, ນະໂຍບາຍວ່າດ້ວຍຄວາມເປັນສ່ວນຕົວຂອງ Huawei ແລະ ຂໍ້ຕົກລົງໃດໜຶ່ງທີ່ສອດຄ້ອງສ້າງຂຶ້ນມາລະຫວ່າງທ່ານ ແລະ Huawei (ຕໍ່ໄປນີ້ໝາຍເຖິງ"ຂໍ້ກຳນົດ"). ກະລຸນາອ່ານໃຫ້ແນ່ໃຈວ່າ ທ່ານໄດ້ອ່ານຂໍ້ກຳນົດຕໍ່ໄປນີ້ຢ່າງລະອຽດ ແລະ ເລືອກເອົາຫ້ອງທີ່ໝາຍໄວ້ຢູ່ດ້ານລຸ່ມເພື່ອບອກວ່າ ທ່ານໄດ້ອ່ານ ແລະ ເຫັນດີກັບຂໍ້ກຳນົດເຫຼົ່ານີ້ແລ້ວ. ຖ້າທ່ານບໍ່ເຫັນດີກັບທຸກຂໍ້ກຳນົດ ຫຼື ບາງຂໍ້ກຳນົດແລ້ວ, ທ່ານຈະບໍ່ສາມາດໃຊ້, ຫຼື ພະຍາຍາມທີ່ຈະໃຊ້ການບໍລິການໄດ້.
1. ການປົກປ້ອງຂໍ້ມູນ
Huawei ເຄົາລົບ ແລະ ປົກປ້ອງຂໍ້ມູນສ່ວນຕົວຂອງຜູ້ໃຊ້ Huawei Health ທຸກຄົນ ເຊັ່ນດຽວກັນກັບຂໍ້ມູນສ່ວນຕົວຂອງທ່ານ (ເຊັ່ນ: ຊື່ຫຼິ້ນ, ຮູບໂປຣໄຟລ໌, ເພດ, ອາຍຸ, ເບີໂທລະສັບ ຫຼື ທີ່ຢູ່ອີເມວຂອງທ່ານ) ແລະ ຂໍ້ມູນສຸຂະພາບສ່ວນຕົວຂອງທ່ານ (ເຊັ່ນ: ການອອກກຳລັງກາຍ, ການນອນຫຼັບ, ນ້ຳໜັກ ແລະ ອັດຕາຫົວໃຈ). Huawei ຈະບໍ່ເປີດເຜີຍ, ໂອນ ຫຼື ໃຫ້ຂໍ້ມູນດັ່ງກ່າວແກ່ບຸກຄົນທີສາມ ໂດຍບໍ່ມີຄຳຍິນຍອມຂອງທ່ານກ່ອນ ນອກຈາກວ່າລະບຽບກົດໝາຍທີ່ກ່ຽວຂ້ອງຮຽກຮ້ອງໃຫ້ມີການເປີດເຜີຍຕາມການບັງຄັບຂອງມັນ. Huawei ຈະບໍ່ໃຊ້, ຫຼື ບໍ່ມີເຈດຕະນາທີ່ຈະໃຊ້ຂໍ້ມູນການອອກກຳລັງກາຍ, ນ້ຳໜັກ, ການນອນຫຼັບ ແລະ/ຫຼືຂໍ້ມູນອື່ນໆທີ່ເກັບໄວ້ຢູ່ໃນຄລາວ ເພື່ອຈຸດປະສົງອື່ນ. ຂໍ້ມູນແມ່ນຈະຖືກເກັບໄວ້ແຕ່ໃນຄລາວເທົ່ານັ້ນ ເພື່ອຮັບປະກັນຄວາມປອດໄພຂອງຂໍ້ມູນ.
2. ການບໍລິການບຸກຄົນທີສາມ
ບໍລິສັດເຄືອຂ່າຍມືຖືຂອງທ່ານ ຫຼື ບຸກຄົນທີສາມອື່ນຍັງອາດຈະໃຫ້ຜະລິດຕະພັນ ແລະ ການບໍລິການທີ່ຄືກັນກັບຢູ່ໃນຮູບແບບຂອງ Huawei, ເຊັ່ນ: ແອັບ ແລະ ເນື້ອໃນການບໍລິການບຸກຄົນທີສາມ. ໂດຍການໃຊ້ຜະລິດຕະພັນ ແລະ ການບໍລິການຂອງບຸກຄົນທີສາມ, ທ່ານຮັບຮູ້ວ່າ ທ່ານເຫັນດີກັບຂໍ້ກຳນົດການບໍລິການທີ່ບຸກຄົນທີສາມກຳນົດໄວ້. ພວກເຮົາຂໍແນະນຳໃຫ້ທ່ານອ່ານເນື້ອໃນຂອງຂໍ້ຕົກລົງຜູ້ໃຊ້ ແລະ ນະໂຍບາຍວ່າດ້ວຍຄວາມເປັນສ່ວນຕົວຂອງບຸກຄົນທີສາມຢ່າງລະອຽດ. Huawei ບໍ່ມີສິດ ຫຼື ໜ້າທີ່ຈະຄວບຄຸມ ຫຼື ເຊັນເຊີ່ເນື້ອໃນຂອງຜະລິດຕະພັນ ແລະ ການບໍລິການຂອງບຸກຄົນທີສາມໄດ້, ດັ່ງນັ້ນ Huawei ຈະບໍ່ຮັບຜິດຊອບຕໍ່ອັນໃດ ໃນກໍລະນີທີ່ສິດຂອງທ່ານຖືກລະເມີດ ເນື່ອງຈາກການໃຊ້ຜະລິດຕະພັນ ແລະ ການບໍລິການດັ່ງກ່າວ.
3. ການອະນຸຍາດ ແລະ ການເກັບເອົາຂໍ້ມູນ
ເພື່ອໃຫ້ຜະລິດຕະພັນທີ່ມີຄວາມທ່ຽງ ແລະ ການບໍລິການທີ່ກຳນົດເອງເພີ່ມຂຶ້ນແກ່ທ່ານ, Huawei ແລະ ຜູ້ໃຫ້ບໍລິການບຸກຄົນທີສາມທີ່ຮ່ວມມືກັບ Huawei ຢູ່ໃນ Huawei Health ຈະເກັບເອົາຂໍ້ມູນຄວາມຂັດຂ້ອງ ແລະ/ຫຼື ຂໍ້ມູນທີ່ກ່ຽວຂ້ອງກັບຜະລິດຕະພັນຂອງທ່ານ. ໂດຍການເລືອກ "ເຫັນດີ" ຢູ່ໃນຂໍ້ຄວາມປັອບອັບຂຶ້ນມາ ເມື່ອເປີດໃຊ້ແອັບ Huawei Health ຫຼື ໂດຍການໃຊ້ Huawei Health, ທ່ານເຫັນດີກັບ ແລະ ໃຫ້ສິດ Huawei ເກັບເອົາ ແລະ ວິເຄາະຂໍ້ມູນຕໍ່ໄປນີ້ຄື:
(1) ຂໍ້ມູນອຸປະກອນເຊັ່ນ: ລະບົບໃຊ້ງານໂທລະສັບ, ພາສາໂທລະສັບ, ລຸ່ນອຸປະກອນ, ໂໝດການເຊື່ອມຕໍ່ອິນເຕີເນັດໂທລະສັບ ແລະ ຂໍ້ມູນທີ່ຕັ້ງ;
(2) ຂໍ້ມູນແອັບເຊັ່ນ: ເວີຊັນແອັບ, ວິທີການດາວໂຫຼດແອັບ, ແລະ ເວລາທີ່ແອັບເປີດ ຫຼື ປິດ;
(3) ຂໍ້ມູນການບໍລິການເຊັ່ນ: ຂໍ້ມູນການຂັດຂ້ອງຂອງແອັບ ແລະ ຂໍ້ມູນການເປີດນຳໃຊ້ການບໍລິການ;
(4) ຂໍ້ມູນສຸຂະພາບສ່ວນຕົວ, ໂດຍບໍ່ຈຳກັດແຕ່ຈະກ່າວຕໍ່ໄປນີ້, ລວມມີ ການອອກຳລັງກາຍ, ການນອນຫຼັບ ແລະ ຂໍ້ມູນອັດຕາຫົວໃຈ. ກະລຸນາປະຕິບັດຕາມຂໍ້ທີ 2 ຢູ່ໃນຂໍ້ກຳນົດເຫຼົ່ານີ ຖ້າທ່ານເຫັນດີໃຫ້ບຸກຄົນທີສາມປະມວນຜົນຂໍ້ມູນຂອງທ່ານ.
ເພື່ອປ້ອງກັນບໍ່ໃຫ້ຂໍ້ມູນຂອງທ່ານເສຍຫາຍ, Huawei Health ຈະເປີດໃຊ້ງານການຊິງຄ໌ໄປຫາຟີເຈີຄລາວໂດຍອັດຕະໂນມັດ, ເຊິ່ງຈະອັບໂຫຼດຂໍ້ມູນການອອກກຳລັງກາຍ, ການນອນຫຼັບ ແລະ ນ້ຳໜັກຂອງທ່ານໄປໃສ່ຄລາວເປັນໄລຍະປົກກະຕິ. ຂໍ້ມູນທີ່ຊິງຄ໌ໄປໃສ່ຄລາວແລ້ວແມ່ນບໍ່ສາມາດລຶບໄດ້ຢູ່ໃນຊຸດຕ່າງໆ ແລະ ຈະຖືກເກັບຮັກສາໄວ້ຢ່າງຖາວອນ. ຖ້າທ່ານບໍ່ຕ້ອງການອັບໂຫຼດໄປໃສ່ຄລາວໂດຍອັດຕະໂນມັດ, ທ່ານສາມາດປິດໃຊ້ງານຟີເຈີການຊິງຄ໌ອັດຕະໂນມັດໄດ້ດ້ວຍການເລືອກ "ການຕັ້ງຄ່າ" ຢູ່ໃນ Huawei Health ແລະ ຈາກນັ້ນທຳການປິດສະວິດ "ຊິງຄ໌ອັດຕະໂນມັດ".
ເພື່ອເພີ່ມປະສົບການຂອງທ່ານໃນການໃຊ້ຜະລິດຕະພັນ Huawei, Huawei Health ຈະແຊຣ໌ຂໍ້ມູນອອກກຳລັງກາຍ ແລະ ສຸຂະພາບທີ່ທ່ານໄດ້ອະນຸຍາດໃຫ້ Huawei ເກັບເອົານັ້ນກັບຜະລິດຕະພັນ Huawei ເປັນມາດຕະຖານເຊັ່ນ: Smartcare. ໃນທຳນອງດຽວກັນນັ້ນ, ຜະລິດຕະພັນ Huawei ອື່ນກ່ຽວຂ້ອງກບສຸຂະພາບ ແລະ ການອອກກຳລັງກາຍເຊັ່ນ: Huawei Wear ຈະແຊຣ໌ຂໍ້ມູນອອກກຳລັງກາຍ ແລະສຸຂະພາບທີ່ທ່ານໄດ້ອະນຸຍາດໃຫ້ Huawei ເກັບເອົານັ້ນກັບ Huawei Health. ທ່ານສາມາດປິດໃຊ້ງານການແຊຣ໌ຂໍ້ມູນໂດຍອັດຕະໂນມັດລະຫວ່າງ Huawei Health ແລະ ຜະລິດຕະພັນ Huawei ອື່ນໆໄດ້ທຸກເວລາໂດຍການເລືອກ "ການຕັ້ງຄ່າ" ຢູ່ໃນ Huawei Health ແລະ ຈາກນັ້ນເລືອກທາງເລືອກປິດໃຊ້ງານຢູ່ໃນ "ແຫຼ່ງຂໍ້ມູນ".
ເພື່ອປ້ອງກັນການລົບກວນທີ່ບໍ່ຈຳເປັນກັບທ່ານ ເມື່ອທຳການໃຊ້ Huawei Health, ກະລຸນາໃຫ້ສິດ Huawei Health ເປີດໃຊ້ງານ ຫຼື ປິດໃຊ້ງານ Bluetooth ໂດຍອັດຕະໂນມັດ.
ຂໍ້ມູນສ່ວນຕົວທີ່ທ່ານອະນຸຍາດໃຫ້ Huawei ເກັບເອົາແມ່ນຈະຖືກຈັດການຕາມນະໂຍບາຍວ່າດ້ວຍຄວາມເປັນສ່ວນຕົວຂອງ Huawei. ກະລຸນາອ່ານເນື້ອໃນຂອງນະໂຍບາຍວ່າດ້ວຍຄວາມເປັນສ່ວນຕົວນີ້ໃຫ້ລະອຽດ. ທ່ານສາມາດເບິ່ງນະໂຍບາຍວ່າດ້ວຍຄວາມເປັນສ່ວນຕົວໄດ້ ໂດຍການເລືອກ "ນະໂຍບາຍວ່າດ້ວຍຄວາມເປັນສ່ວນຕົວຂອງ Huawei" ຢູ່ໃນຂໍ້ຄວາມປັອບອັບທີ່ປະກົດຂຶ້ນ ເມື່ອເປີດໃຊ້ Huawei Health, ຫຼື ໂດຍການເຂົ້າເບິ່ງ
http://consumer.huawei.com/privacy-policy
4. ຄວາມສ່ຽງ ແລະ ຄວາມຮັບຜິດຊອບ
(1) ທ່ານຈະໄດ້ຮັບພາລະເລື່ອງຄວາມສ່ຽງທຸກອັນກ່ຽວຂ້ອງກັບການໃຊ້ແອັບສຸຂະພາບຂອງ Huawei ເອົາເອງ. Huawei ຈະບໍ່ມີການຮັບປະກັນ ຫຼື ເປັນຕົວແທນອັນໃດໃຫ້ໃນເລື່ອງນີ້, ລວມທັງທີ່ການບໍລິການນີ້ ຫຼື ຜົນໄດ້ຮັບຂອງມັນຈະເຮັດໃຫ້ເງື່ອນໄຂກຳນົດຂອງທ່ານພໍໃຈ ຫຼື ເລື່ອງການບໍລິການຂອງຜະລິດຕະພັນຈະບໍ່ມີການຂັດຂ້ອງ, ແລະ ບໍ່ຮັບປະກັນເຖິງຄວາມປອດໄພ, ຄວາມຖືກຕ້ອງ, ຄວາມກົງເວລາ ຫຼື ຄວາມຖືກຕ້ອງຕາມກົດໝາຍຂອງຜົນໄດ້ຮັບຂອງການບໍລິການນີ້ ແລະ ຂໍ້ມູນຂອງມັນ. Huawei ຈະບໍ່ຮັບຜິດຊອບທາງກົດໝາຍຕໍ່ກັບສະພາບການໃດໜຶ່ງທີ່ມີຜົນເຮັດໃຫ້ທ່ານບໍ່ສາມາດໃຊ້ Huawei Health ໄດ້, ໂດຍບໍ່ຈຳກັດແຕ່ຈະກ່າວຕໍ່ໄປນີ້ລວມມີທັງຄວາມຜິດພາດກັບເຄືອຂ່າຍ, ສາຍການສື່ສານ, ເວັບໄຊທ໌ ແລະ ຜູ້ໃຫ້ບໍລິການຂອງບຸກຄົນທີສາມ. ນອກຈາກວ່າໄດ້ກ່າວໄວ້ຢ່າງຈະແຈ້ງວ່າ ການບໍລິການທີ່ Huawei ຈັດໃຫ້ແກ່ທ່ານແມ່ນຟຣີ. ເຖິງແນວໃດກໍ່ຕາມ, ການບໍລິການບາງອັນອາດຈະຕ້ອງໄດ້ໂທລະສັບຫາ ຫຼື ຮັບສາຍໂທລະສັບ, ເຂົ້າຫາຂໍ້ມູນມືຖື ຫຼື ສົ່ງຂໍ້ຄວາມ SMS. ອາດຈະມີຄ່າໃຊ້ຈ່າຍເກີດຂຶ້ນກັບທ່ານຈາກບຸກຄົນທີສາມຕໍ່ກັບການບໍລິການເຫຼົ່ານີ້. Huawei ຈະບໍ່ເກັບເອົາຂໍ້ມູນໃດໜຶ່ງທີ່ເປີດເຜີຍຂໍ້ມູນປະຈຳຕົວຂອງທ່ານ ນອກຈາກວ່າທ່ານໃຫ້ຂໍ້ມູນດັ່ງກ່າວມາດ້ວຍຕົວຂອງທ່ານເອງ.
(2) ໃນກໍລະນີທີ່ພຶດຕິກຳຂອງທ່ານ ແລະ/ຫຼື ສະພາບການທີ່ບໍ່ສາມາດຄວບຄຸມໄດ້ສົ່ງຜົນໃຫ້ມີການເປີດເຜີຍ ຫຼື ການຮົ່ວໄຫຼ, ຫຼື ການໄດ້ມາ, ການໃຊ້, ຫຼື ການໂອນຂໍ້ມູນໃດໜຶ່ງໂດຍບຸກຄົນທີສາມ ທີ່ອາດຈະກ່ຽວຂ້ອງກັບຄວາມເປັນສ່ວນຕົວຂອງທ່ານ ຫຼື ຂໍ້ມູນທີ່ທ່ານເຊື່ອວ່າຈະເປັນຂໍ້ມູນສ່ວນຕົວ, Huawei ຈະບໍ່ຮັບຜິດຊອບ ແລະ ທ່ານຈະຕ້ອງຮັບຜິດຊອບຕໍ່ທຸກຜົນເກີດຂຶ້ນຕາມມາທີ່ເປັນຜົນເສຍຫາຍ.
(3) ທຸກຂໍ້ມູນ ແລະຜົນໄດ້ຮັບທີ່ປະກົດຂຶ້ນຢູ່ໃນແອັບ Huawei Health ແມ່ນເພື່ອຈຸດປະສົງການອ້າງອີງເທົ່ານັ້ນ. ພວກເຮົາບໍ່ແນະນຳໃຫ້ທ່ານໃຊ້ຂໍ້ມູນນີ້ເປັນພື້ນຖານສຳລັບການປິ່ນປົວທາງການແພດ ຫຼື ເປັນຫຼັກຖານຂອງສະພາບສຸຂະພາບຂອງທ່ານ. Huawei ຈະບໍ່ຮັບຜິດຊອບຕໍ່ຄວາມສ່ຽງ ຫຼື ອຸປະຕິເຫດໃດໆທີ່ເກີດຂຶ້ນ ເນື່ອງຈາກການໃຊ້ຂໍ້ມູນ ຫຼື ຜົນໄດ້ຮັບຢູ່ໃນ Huawei Health ເພື່ອຈຸດປະສົງດັ່ງກ່າວ.
(4) ທ່ານຮັບຜິດຊອບຕໍ່ການເກັບຄ່າຂໍ້ມູນມືຖືທຸກອັນທີ່ເກີດຂຶ້ນ ເນື່ອງຈາກຂໍ້ມູນກຳລັງຖືກຊິງຄ໌ໄປຫາຄລາວ ຫຼື ໄປໃສ່ອຸປະກອນຂອງທ່ານ.
(5) ໃນລະດັບສູງສຸດທີ່ກົດໝາຍອະນຸຍາດ, ບໍ່ມີກໍລະນີໃດທີ່ Huawei ຈະຮັບຜິດຊອບຕໍ່ຄວາມເສຍຫາຍພິເສດ, ໂດຍບັງເອີນ, ໂດຍທາງອ້ອມ, ຫຼື ເປັນຜົນຕາມມາ, ຫຼື ການເສຍຜົນກຳໄລ, ທຸລະກິດ, ລາຍຮັບ, ຂໍ້ມູນ, ການປະຢັດຊື່ສຽງ ຫຼື ການປະຢັດທີ່ເຫັນໄດ້, ບໍ່ວ່າຄວາມຮັບຜິດຊອບດັ່ງກ່າວນັ້ນຈະອີງຕາມສັນຍາ, ການເຮັດຜິດ (ລວມທັງຄວາມເປັນໄປໄດ້ຂອງການລະເລີຍ ຫຼື ຄວາມຮັບຜິດຊອບຈຳກັດ) ຫຼື ຂໍ້ຮຽກຮ້ອງອື່ນໆ, ແລະ ໂດຍບໍ່ຄຳນຶງເຖິງວ່າ ການສູນເສຍດັ່ງກ່າວນັ້ນຈະຄາດການໄດ້ລ່ວງໜ້າ ຫຼື ບໍ່ກໍ່ຕາມ, ແມ້ແຕ່ລູກຄ້າໄດ້ຮັບການບອກກ່ຽວກັບຄວາມເປັນໄປໄດ້ຂອງການສູນເສຍ ຫຼື ຄວາມເສຍຫາຍທີ່ກ່າວມາຂ້າງເທິງນັ້ນຢ່າງຈະແຈ້ງແລ້ວ.
(6) ຄວາມຮັບຜິດຊອບສູງສຸດ (ຂໍ້ຈຳກັດນີ້ຈະບໍ່ນຳໃຊ້ກັບຄວາມຮັບຜິດຊອບຕໍ່ການບາດເຈັບສ່ວນຕົວໃນລະດັບທີ່ກົດໝາຍຫ້າມໄວ້ເຊັ່ນ: ຂໍ້ຈຳກັດ) ຂອງ Huawei ທີ່ເກີດຂຶ້ນມາຈາກການໃຊ້ການບໍລິການທີ່ອະທິບາຍໄວ້ຢູ່ໃນຂໍ້ຕົກລົງນີ້ຈະຖືກຈຳກັດໃນຈຳນວນທີ່ລູກຄ້າຈ່າຍຊື້ການບໍລິການນີ້.
5. ຂໍ້ຈຳກັດການນຳໃຊ້
Huawei ແລະ ຜູ້ໃຫ້ການອະນຸຍາດຂອງມັນຈະເປັນເຈົ້າຂອງສິດຊັບສິນທາງປັນຍາທັງໝົດກ່ຽວຂ້ອງກັບຊອບແວນີ້. ທ່ານອາດຈະໃຊ້ຊອບແວນີ້ຕາມຂໍ້ຕົກລົງນີ້ຈັດໃຫ້ ທີ່ທ່ານຕ້ອງເຄົາລົບຕໍ່ທຸກກົດໝາຍ, ກົດລະບຽບ ແລະ ນະໂຍບາຍທີ່ກ່ຽວຂ້ອງ ເພີ່ມເຕີມໃສ່ຂໍ້ກຳນົດຢູ່ໃນຂໍ້ຕົກລົງນີ້. ທ່ານບໍ່ມີສິດທີ່ຈະ, ຫຼື ຕ້ອງບໍ່ພົວພັນຢູ່ໃນພຶດຕິກຳໃດໜຶ່ງຕໍ່ໄປນີ້, ທີ່ບໍ່ໄດ້ຈຳກັດແຕ່ຕໍ່ໄປນີ້ ລວມມີ:
(1) ລຶບແຈ້ງການລິຂະສິດ ຫຼື ຄຳໃຫ້ການ ຫຼື ຂໍ້ມູນອື່ນໃດໜຶ່ງ ແລະ/ຫຼື ເນື້ອໃນທີ່ມີຢູ່ໃນຊອບແວນີ້.
(2) ພົວພັນໃນການປີ້ນດ້ານວິສາວະກຳ, ມ້າງ ຫຼື ຖອດແຍກຊອບແວນີ້.
(3) ໃຊ້, ອັດສຳເນົາ, ດັດແປງ, ໃຫ້ເຊົ່າ ຫຼື ໂອນຊອບແວນີ້ທັງໝົດ ຫຼື ສ່ວນໃດໜຶ່ງຢູ່ນອກຂອບເຂດຂອງຂໍ້ກຳນົດທີ່ລະບຸໄວ້ຢູ່ໃນຂໍ້ຕົກລົງນີ້.
(4) ເຮັດຊອບແວນີ້ໃຫ້ກັບບຸກຄົນທີສາມໃຊ້, ໃຫ້ການອະນຸຍາດແກ່ຜູ້ອື່ນໃຊ້ຊອບແວນີ້ ຫຼື ດ້ວຍການໃຊ້ຊອບແວນີ້ ເພື່ອຈຸດປະສົງທີ່ Huawei ຫ້າມ (ເຊັ່ນ: ຈຸດປະສົງທາງການຄ້າ).
(5) ດຳເນີນການກະທຳໃດໜຶ່ງໃສ່ຮູບ, ຂໍ້ຄວາມ ແລະ ຂໍ້ມູນອື່ນໆທີ່ກ່ຽວຂ້ອງມີຢູ່ໃນຊອບແວນີ້, ໂດຍບໍ່ຈຳກັດແຕ່ຕໍ່ໄປນີ້ ລວມມີ: ການໃຊ້, ການອັດສຳເນົາ, ການດັດແກ້, ການເພີ່ມໄຮເປີລິ້ງໃສ່, ການນຳມາໃຊ້ຄືນໃໝ່, ການສ້າງເວັບໃຊ້ແຍງເລິ່ງ ຫຼື ການໃຊ້ຊອບແວເພື່ອສ້າງຜະລິດຕະພັນທີ່ເປັນຜົນໄດ້ຮັບມາທີ່ກ່ຽວຂ້ອງ, ການເຮັດວຽກ ແລະ/ຫຼື ການບໍລິການຕ່າງໆ.
(6) ໃຊ້ຊອບແວນີ້ ເພື່ອເກັບຮັກສາ, ເຜີຍແຜ່ ຫຼື ຕີພິມເນື້ອໃນທີ່ລະເມີດກົດໝາຍ, ກົດລະບຽບ ແລະ ນະໂຍບາຍຂອງປະເທດ.
(7) ໃຊ້ຊອບແວນີ້ ເພື່ອເກັບຮັກສາ, ເຜີຍແຜ່ ຫຼື ຕີພິມເນື້ອໃນທີ່ລະເມີດສິດຊັບສິນທາງປັນຍາ, ຄວາມລັບທາງການຄ້າ ຫຼື ສິດທາງກົດໝາຍອື່ນໆໃດໜຶ່ງຂອງບຸກຄົນທີສາມ.
(8) ພົວພັນໃນພຶດຕິກຳທີ່ເຮັດໃຫ້ຄວາມປອດໄພທາງໄຊເບີມີຄວາມສ່ຽງ.
6. ການອັບເດດເວີຊັນ
Huawei ສະຫງວນສິດຕັດສິນໃຈວ່າຈະອອກຊອບແວນີ້ເວີຊັນອັບເດດແລ້ວຢູ່ໃນອະນາຄົດ ຫຼື ບໍ່. ຖ້າ Huawei ຕັດສິນໃຈທີ່ຈະບໍ່ອອກຊອບແວນີ້ເວີຊັນອັບເດດແລ້ວ, ຂໍ້ຕົກລົງນີ້ຍັງຈະນຳໃຊ້ກັບເວີຊັນອັບເດດແລ້ວຢູ່ ນອກຈາກວ່າໄດ້ມີການອອກ "ຂໍ້ກຳນົດການບໍລິການຊອບແວ" ປ່ຽນແທນໃຫ້ແລ້ວ. ໂດຍການຕິດຕັ້ງການອັບເດດໃດໜຶ່ງ, ທ່ານຮັບຮູ້ວ່າ ທ່ານເຫັນດີປະຕິບັດຕາມຂໍ້ກຳນົດການບໍລິການຊອບແວທີ່ກ່ຽວຂ້ອງແລ້ວ. ຖ້າທ່ານບໍ່ເຫັນດີກັບທຸກເນື້ອໃນຢູ່ໃນຂໍ້ກຳນົດການບໍລິການຊອບແວ, ຢ່າຕິດຕັ້ງການອັບເດດ.
7. ການສິ້ນສຸດ
ການມີຂໍ້ກຳນົດໃດໜຶ່ງຢູ່ໃນສັນຍານີ້ໃຊ້ບໍ່ໄດ້ທັງໝົດ ຫຼື ເປັນບາງສ່ວນແມ່ນຈະບໍ່ມີຜົນກະທົບຕໍ່ກັບການນຳໃຊ້ໄດ້ຂອງຂໍ້ກຳນົດອື່ນ. Huawei ແລະ ຜູ້ໃຫ້ການອະນຸຍາດຂອງມັນສະຫງວນສິດທີ່ຈະງົດ ຫຼື ສິ້ນສຸດຂໍ້ຕົກລົງນີ້ໄດ້ທຸກເວລາ. ເມື່ອມີການສິ້ນສຸດຂໍ້ຕົກລົງນີ້ແລ້ວ ທ່ານຕ້ອງຢຸດໃຊ້ຊອບແວນີ້ທັນທີ ແລະ ລຶບທຸກຊອບແວ ແລະ ຂໍ້ມູນທີ່ກ່ຽວຂ້ອງທີ່ທ່ານອັດສຳເນົາ ຫຼື ຕິດຕັ້ງໃສ່ແລ້ວອອກ.
8. ກົດໝາຍຕາມທາງເລືອກ
ຂໍ້ຕົກລົງນີ້ຈະໄດ້ຮັບການຄຸ້ມຄອງໂດຍກົດໝາຍຂອງເຢຍລະມັນ, ຮັກສາໄວ້ສຳລັບໃຫ້ການປົກປ້ອງແກ່ຕົວທ່ານໂດຍບົດບັນຍັດທີ່ບໍ່ສາມາດຫລຸດນ້ອຍລົງຈາກຂໍ້ຕົກລົງ ເນື່ອງຈາກວ່າກົດ ໝາຍໃນປະເທດທີ່ຢູ່ອາໄສຂອງທ່ານ (ໃນສິດທິການປົກປ້ອງຜູ້ຊົມໃຊ້ທີ່ບັງຄັບສະເພາະໃດໜຶ່ງ).
Huawei Technologies Co., Ltd. ສະຫງວນລິຂະສິດ. Huawei ສະຫງວນສິດທີ່ຈະແປເນື້ອໃນທີ່ມີຢູ່ໃນທີ່ນີ້ໃນລະດັບທີ່ກົດໝາຍອະນຸຍາດ.