Hurmatli foydalanuvchi,

 

Huawei Health xizmatiga xush kelibsiz.

 

Ushbu Huawei Health kelishuvidagi (bundan buyon matnda “Kelishuv” deb yuritiladi) quyidagi shartlar siz bilan Huawei Technologies Co., Ltd. va uning sho‘balari (bundan buyon matnda “Huawei” deb yuritiladi) o‘rtasida yuridik jihatdan majburiyat yuklovchi kelishuvni tashkil qiladi. Mazkur Kelishuv Huawei Health xizmati, unga bog‘liq dasturiy ta’minot, xizmat va veb-saytlardan (bundan buyon matnda “Xizmat” deb yuritiladi) foydalanish yuzasidan sizning huquq va majburiyatlaringizni belgilab beradi. Kelishuv matnida “siz” deganda ushbu Xizmatdan foydalanuvchi har qanday shaxs tushuniladi.

 

Bu Xizmatdan foydalanishdan avval siz mazkur Kelishuv, Huawei maxfiylik siyosati va siz bilan Huawei o‘rtasida tuzilgan har qanday kelishuvlardagi shartlarga (bundan buyon matnda “Shartlar” deb yuritiladi) rozilik bildirishingiz lozim. Quyidagi shartlarni diqqat bilan o‘qib chiqing hamda matn ostida bu shartlarni o‘qib chiqqaningiz va unga roziligingizni bildiruvchi katakchaga belgi qo‘ying. Agar shartlarga umuman yoki qisman rozi bo‘lmasangiz, bu Xizmatdan foydalana olmaysiz va foydalanishga harakat qilmasligingiz lozim.

 

1. Axborot himoyasi

 

Huawei barcha Huawei Health foydalanuvchilarining maxfiyligini hamda sizning shaxsiy ma’lumotlaringizni (laqab, profil rasmi, jins, yosh, telefon raqami yoki e-pochta manzili) va sog‘lig‘ingizga oid axborotlarni (mashq, uyqu, vazn, yurak urishi tezligiga oid ma’lumotlar) hurmat qiladi va himoyalaydi. Huawei bunday ma’lumotlarni sizdan ijozat olmagan holda uchinchi tomonga oshkor qilmaydi, yubormaydi yoki taqdim etmaydi. Tegishli qonunlar va me’yoriy hujjatlarga muvofiq tarzda majburan oshkor qilish holatlari bundan mustasno. Mashq, vazn, uyquga oid va/yoki bulutda saqlanadigan boshqa ma’lumotlarni Huawei boshqa maqsadlarda ishlatmaydi va bunday maqsadga ega emas. Axborotlar xavfsizlikni ta’minlash maqsadidagina bulutda saqlanadi.

 

2. Tashqi xizmatlar

 

Huawei Health platformasida mobil operatoringiz yoki boshqa kompaniyalar ham tegishli mahsulot va xizmatlar, masalan, tashqi ilovalar va xizmat kontentini taqdim etishi mumkin. Shunday uchinchi tomon mahsulot va xizmatlaridan foydalanish orqali siz ularning xizmatlaridan foydalanish shartlariga rozilik bildirgan hisoblanasiz. Uchinchi tomonning foydalanuvchi bilan kelishuvlari va maxfiylik siyosatlarini o‘qib chiqishni maslahat beramiz. Huawei uchinchi tomonning mahsulot va xizmatlarini nazorat qilish yoki cheklash huquqiga ega emas yoki bunga majbur emas. Shu sababli, bunday mahsulot va xizmatlardan foydalanish orqali huquqlaringiz buziladigan bo‘lsa, Huawei javobgarlikni o‘z zimmasiga olmaydi.

 

 

 

3. Axborotni tekshirish va to‘plash

 

Sizga taqdim qilinayotgan mahsulot va xizmatlarni takomillashtirish maqsadida Huawei hamda u bilan Huawei Health doirasida hamkorlik qiladigan tashqi provayderlar siz ishlatayotgan mahsulotda ro‘y bergan xato ma’lumotlari va/yoki axborotlarni to‘playdi. Huawei Health ilovasini ochganda paydo bo‘lgan xabarda “Roziman” tugmasini bosish orqali yoki Huawei Health xizmatidan foydalanish orqali siz Huawei kompaniyasiga quyidagi ma’lumotlarni to‘plash va tahlil qilish huquqini berasiz va shunga rozilik bildirasiz:

 

(1) Qurilmaga oid ma’lumotlar, jumladan, telefon operatsion tizimi, tanlangan til, qurilma modeli, Internetga ulanish rejimi va joylashuv ma’lumotlari.

 

(2) Ilovaga oid ma’lumotlar, jumladan, ilova versiyasi, yuklab olish usuli, ilova ochilgan yoki yopilgan vaqti.

 

(3) Xizmatga oid axborotlar, jumladan, ilovaning xatolik ma’lumotlari va xizmatni faollashtirishga oid ma’lumotlar.

 

(4) Shaxsiy sog‘liqqa oid ma’lumotlar, jumladan, mashq, uyqu, vazn va yurak urishi tezligi ma’lumotlari. Uchinchi tomonning sizga tegishli ma’lumotlar bilan ishlashiga rozilik bildirgan bo‘lsangiz, ushbu Shartlarning 2-moddasiga rioya eting.

 

Ma’lumotlar yo‘qolmasligi uchun Huawei Health avtomatik ravishda bulutga sinxronlash funksiyasini ishga tushiradi, bu funksiya sizning mashq, uyqu, vazn va yurak urishiga oid ma’lumotlaringizni muntazam ravishda bulutga yuklab boradi. Bulutga sinxronlangan axborotlarni birdaniga o‘chirib tashlashning iloji yo‘q, ular doimiy saqlanadi. Axborotlar avtomatik ravishda bulutga yuklanishini istamasangiz, bu funksiyani o‘chirish uchun Huawei Health ilovasida “Sozlamalar”ga kirib, “Avto sinxronlash” bandini o‘chirib qo‘ying.

 

Huawei mahsulotlaridan foydalanish samarasini oshirish maqsadida, Huawei Health siz to‘plashga ruxsat bergan mashq qilish va sog‘liqqa oid axborotlarni odatiy tarzda boshqa Huawei mahsulotlari, jumladan, Smartcare xizmati bilan baham ko‘radi. Sog‘liq va mashq qilishga aloqador boshqa Huawei mahsulotlari ham (masalan, Huawei Wear) xuddi shu tarzda siz to‘plashga ruxsat bergan axborotlarni Huawei Health bilan baham ko‘radi. Huawei Health bilan boshqa Huawei mahsulotlari o‘rtasidagi avtomatik axborot almashishni o‘chirib qo‘yishingiz mumkin, buning uchun Huawei Health ilovasida “Sozlamalar” bo‘limiga kirib, “Axborot manbalari” bandidagi variantni o‘chirib qo‘ying.

 

Huawei Health ilovasidan foydalanish mobaynida ortiqcha bezovtalikning oldini olish uchun Huawei Health avtomatik ravishda Bluetooth funksiyasini yoqish/o‘chirishiga ruxsat bering.

 

 

 

 

Siz Huawei tomonidan to‘planishiga ruxsat bergan shaxsiy ma’lumotlar Huawei maxfiylik siyosatiga muvofiq tarzda saqlanadi. Maxfiylik siyosatini diqqat bilan o‘qib chiqing. Maxfiylik siyosatini ko‘rish uchun Huawei Health ilovasini ochganda ko‘rsatiladigan xabarda “Huawei maxfiylik siyosati” ustiga bosing yoki quyidagi manzilga tashrif buyuring: http://consumer.huawei.com/privacy-policy.

 

4. Xatarlar va majburiyatlar

 

(1) Huawei Health ilovasidan foydalanishga bog‘liq barcha xatarlarni o‘z zimmangizga olasiz. Huawei hech qaysi turdagi hech qanday kafolat yoki bayonot bermaydi, jumladan, ushbu Xizmat va uning natijasi sizning talablaringizni qondirishi yoki xizmatlar to‘xtab qolmasligi, bu Xizmat va undagi ma’lumotlar xavfsiz, aniq, o‘z vaqtida va qonuniy bo‘lishiga kafolat bermaydi. Huawei Health xizmatidan foydalana olmaslikka sabab bo‘ladigan har qanday vaziyatga, jumladan, tarmoq, aloqa tizimlari, tashqi veb-saytlar va xizmat provayderlaridagi nosozliklarga Huawei javobgar bo‘lmaydi. Boshqa shart ko‘rsatilmagan bo‘lsa, Huawei xizmatlari bepul taqdim etiladi. Ammo ayrim xizmatlar uchun telefonda qo‘ng‘iroq qilish, mobil internetdan foydalanish yoki SMS xabarlarini yuborish kerak bo‘lishi mumkin. Bu xizmatlar uchun tashqi xizmatlar sizga xarajat yozishi mumkin. Agar siz shaxsingizni oshkor qiladigan ma’lumotlarni o‘zingiz taqdim etmasangiz, Huawei bunday ma’lumotlarni to‘plamaydi.

 

(2) Agar sizning xatti-harakatingiz va/yoki nazorat qilib bo‘lmaydigan vaziyat tufayli maxfiyligingizga oid ma’lumotlar yoki siz shaxsiy deb hisoblaydigan ma’lumotlar oshkor bo‘lsa yoki sizib chiqsa, yoxud ularni uchinchi tomon qo‘lga kiritsa, foydalansa yoki boshqa joyga ko‘chirsa, bu holat uchun Huawei javobgar bo‘lmaydi, buning nojo‘ya oqibatlari uchun o‘zingiz javobgar bo‘lasiz.

 

(3) Huawei Health ilovasida ishlatiladigan barcha axborotlar va natijalar faqat ma’lumot berish maqsadida ishlatiladi. Bu ma’lumotlardan tibbiy davolanish uchun asos sifatida yoki sog‘lig‘ingizga oid ma’lumot sifatida foydalanishni tavsiya qilmaymiz. Huawei Health axborotlari yoki natijalaridan bunday maqsadda foydalanish oqibatida yuzaga keladigan har qanday xatar yoki baxtsiz voqealar uchun Huawei javobgar bo‘lmaydi.

 

(4) Axborotlarni bulutga yoki qurilmangizga sinxronlash uchun sarflanadigan mobil internet xarajatlari uchun o‘zingiz javobgar bo‘lasiz.

 

(5) Amaldagi qonunchilikka muvofiq, har qanday maxsus, tasodifiy, bilvosita yoki hosilaviy zararlar, foydadan, biznesdan, daromad, axborotlar, obro‘-e’tibor yoki kutilgan foydadan mahrum bo‘lganlik uchun Huawei hech qanday holatda javobgar bo‘lmaydi. Bunday javobgarlik shartnoma asosida, jinoiy (jumladan, loqaydlik ehtimoli yoki qat’iy javobgarlik) yoki boshqa da’volarga asoslangan bo‘lsa ham, bunday zararlarni oldindan bilish mumkin bo‘lgan-bo‘lmaganligidan, mijozlar bunday zarar yoki shikastlar ehtimoli haqida ochiq-oydin ogohlantirilganligidan qat’i nazar, Huawei javobgar bo‘lmaydi.

 

 

 

(6) Mazkur kelishuvda ta’riflangan xizmatdan foydalanishdan kelib chiqadigan Huawei javobgarligi shu Xizmatni xarid qilish uchun mijozlar to‘lagan mablag‘ miqdoridan oshmaydi (ushbu cheklov tan jarohati yetkazilgani uchun amaldagi qonunchilik taqiqlaydigan doiradagi javobgarlikka nisbatan qo‘llanmaydi).

 

5. Foydalanishdagi cheklovlar

 

Ushbu Dasturiy ta’minotga bog‘liq barcha intellektual mulk huquqlari Huawei va uning litsenziya beruvchilariga tegishlidir. Bu Dasturiy ta’minotdan ushbu Kelishuv doirasida foydalanishingiz mumkin, buning uchun siz bu Kelishuvdagi shartlarga qo‘shimcha ravishda barcha tegishli qonunlar, me’yoriy hujjatlar va siyosatlarga amal qilishingiz lozim. Siz quyidagi amallarni bajarish huquqiga ega emassiz va bajaringiz kerak emas, jumladan:

 

(1)    Ushbu Dasturiy ta’minot tarkibidagi biror mualliflik huquqi haqidagi eslatma, bayonot yoki boshqa har qanday ma’lumot yoki kontentni o‘chirish.

 

(2)    Ushbu Dasturiy ta’minotni teskari loyihalash, qismlarga ajratish yoki dekompilyatsiya qilish.

 

(3)    Ushbu Dasturiy ta’minotni yoki uning bir qismini Kelishuvda o‘rnatilgan shartlar doirasidan tashqarida nusxalash, o‘zgartirish, ijaraga berish yoki ko‘chirish.

 

(4)    Ushbu Dasturiy ta’minotni uchinchi tomonga taqdim etish, boshqalarga Dasturiy ta’minotdan foydalanish uchun litsenziya berish yoki ushbu Dasturiy ta’minotdan Huawei taqiqlagan maqsadlarda (masalan, tijoriy maqsadlarda) foydalanish.

 

(5)    Ushbu Dasturiy ta’minot tarkibidagi suratlar, matn va boshqa ma’lumotlar ustidan quyidagi amallarni bajarish, jumladan: foydalanish, nusxalash, o‘zgartirish, havola qo‘shish, qayta ishlatish, kompilyatsiya qilish, chop etish, ko‘zgu saytlari yaratish yoki Dasturiy ta’minotdan hosilaviy mahsulotlar, asarlar va/yoki xizmatlar yaratishda foydalanish.

 

(6)    Ushbu Dasturiy ta’minot yordamida mahalliy qonunlar, normativlar va siyosatlarni buzadigan kontentni saqlash, chop etish yoki tarqatish.

 

(7)    Ushbu Dasturiy ta’minotdan uchinchi tomonning mualliflik huquqlari, savdo sirlari yoki boshqa qonuniy huquqlarni buzuvchi kontentni saqlash, biror yerga joylash yoki tarqatish uchun foydalanish.

 

(8)    Kiberxavfsizlikka tahdid qiluvchi xatti-harakatlarda qatnashish.

 

 

 

 

 

 

6. Versiya yangilanishlari

 

Huawei kelajakda ushbu Dasturiy ta’minotning yangi versiyalarini chiqarish yoki chiqarmaslik huquqini o‘zida saqlab qoladi. Agar Huawei ushbu Dasturiy ta’minotning yangilangan versiyasini chiqarishga qaror qilsa, alohida “Dasturiy ta’minotdan foydalanish shartlari” chiqarilmagan vaziyatda mazkur Kelishuv yangilangan versiyaga nisbatan qo‘llanadi. Yangilanishlarni o‘rnatish orqali siz tegishli Dasturiy ta’minotdan foydalanish shartlariga rioya qilishga rozilik bildirasiz. Dasturiy ta’minotdan foydalanish shartlariga rozi bo‘lmasangiz, yangilanishni o‘rnatmang.

 

7. Kelishuvning tugatilishi

 

Ushbu Kelishuvning to‘liq yoki qisman bekor qilinishi boshqa shartlarga ta’sir o‘tkazmaydi. Huawei va/yoki uning litsenziya beruvchilari ushbu Kelishuvni istalgan vaqtda to‘xtatish yoki tugatish huquqini o‘zida saqlab qoladi. Ushbu Kelishuv tugatilgach, darhol Dasturiy ta’minotdan foydalanishni to‘xtatish hamda unga aloqador barcha dasturiy ta’minot va siz nusxa olgan yoki o‘rnatgan ma’lumotlarni o‘chirib tashlashingiz lozim.

 

8. Huquqiy me’yorni tanlash

Siz yashayotgan mamlakat qonunlari (ayniqsa, mijozni himoya qilish huquqi) orqali qisman bekor qilish mumkin bo‘lmagan himoyani istisno qilganda, ushbu Kelishuv Germaniya qonunlari bilan tartibga solinadi.

 

Huawei Technologies Co., Ltd. Barcha huquqlar himoyalangan. Huawei bu yerda keltirilgan matn mazmunini qonun tomonidan ruxsat etilgan darajada tatbiq qilish huquqini o‘zida saqlab qoladi.